Historical ink recipes

Source: Manuscript of the University Library Utrecht

Ad regulares in trajecto

Om galle inct te maken. Neemt xii loot gal note[n] seer grof ghestoten niet ghepulvert noch niet gheteemset ende doet die in enen reinen pot ende ghietet dair op een bonsche quarte reghen waters ende roertet wael om drie daghe lanc des daghes vi reysen of vii ende wilmen soe machmen den pot setten in een oven v of vi uren na dien dat dat broet dair uut is ghetoghen, ende latent daer alsoe instaen die twe daghe lanc of iii, mer het en sal niet sieden Na drie daghen doet dair voort in x loot coperroots ghestoten, ende laet dat oec staen wercken in malckander, dri[e da]ghe lang vake roerende Ende laet dan staen clare[n] enen dach, ende cleinzedet doer een peper haer, ofte latedet van hem selven daer allentelen door zipen Ende doet dat weder inden pot ende doet dair in x loot gummi arabicum hoe herder ende witter hoe beter ende laet die dair in smelten vake roerende ende latedet dan voort staen claren een weinich, ende ghietedet dan in die cruken Dese maniere heb ic ontfanghen uut hollant uut twe cloosteren of iii, ende uut brabant ende uut ghelrelant, ende hebbe ondervonden dat die seer guet is, Mer want ic altoos substancien inct make voor onse scrivers soe en pine ics nu soe nauwe niet altoos opt beste ende nader mate te maken Item het hevet een sunderlinghe sake wair omme men die galle noten grof stoten sal ende niet pulverizeren ende datmen elc bi zonder in doet, ende niet te samen Ende dat men die gomme lest in sal doen, Want alst water vet is gheworden soe en mach dat coperroet niet langher wercken in die gallen Ende als die galle clein is ghepulvert soe wert dat inct alte clibberich ende onclaer Ende sommich ander saken siin die te lang waren te scriven.

• Image of the page